Swj. Ławrjenc na noze kelucha z lěta 1646 (hlej horjeka).
W špihelu swojich swjatych
Lětsa w lěću swjećitej fara Chrósćicy kaž tež cyła wjes swoje 800lětne prěnje naspomnjenje.
Napohlad jubilejneje wsy. Foto: Jens Buliš. Zakład tutoho jubileja je wopismo 19. meje 1225, kotrež so dźensa w archiwje klóštra Marijineje hwězdy chowa. Mišnjanski biskop Bruno II. (wot Porstendorfa, knježeše 1209–1228)1 poswjeći na tutym dnju Kamjensku cyrkej swjateju Filipa a Jakuba. Poswjećenje sta so na přeće a iniciatiwu Kamjenskeho knjeza Bjarnata II. wot Vesty (wokoło 1191–1245), kotryž bě město załožił a cyrkej po wohenju zaso natwarił. Na kóncu dokumenta mjenuje so cyły rjad wosobow, kotrež wobswědča wopismo swjatočneho po-dawka, mjez nimi někotři duchowni, ale tež zemjenjo z wokoliny. Štwórty wot zady je »Henricus de Crostiz«, w rjedźe swědkow, kotřiž so jako »layci« wupokazuja.2
Hendrich, kotrehož přimjeno »de Crostiz« lětuši jubilej wopodstatnja, słušeše najskerje k družinje knjezow wot Vesty. Zo Hendrich k ministerialam biskopa słušeše, drje je mjenje prawdźepodobne. W tehdyšim času, jako tak a tak jenož mało pismow mějachu, je to jeničke naspomnjenje tutoho Hendricha. Wot biskopskeho přewodnika pak bychmy tohodla wočakowali, zo jeho husćišo jako swědka we wokolinje biskopa zetkamy.
Galerija
dalši wobraz (1):
dalši wobraz (2):
dalši wobrazowy tekst (2): Naspomnjenje Bena a Hodźija w knize Liber Salhusii: »Item ipse adierit episcopatum districtum Gedaw«. Beno sam běše husto w biskopskim sydle Hodźija. Array
dalši wobraz (3):
dalši wobrazowy tekst (3): Wosrjedź bahna a lěsa namakamy wokoło 1100 stare wosady. Array
dalše nadpismo:14 Jako wurězk publikowany: Walther Haupt, Die Meißener Bistumsmatrikel von 1495, Dresden 1968 (Quellen und Forschungen zur sächsischen Geschichte; 4). Ke knize přir. Richard Becker, Ein Original der Meißner Bistumsmatrikel und die Einteilung des Bistums Meißen, w: NASG 30 (1902), str. 193–213.
Sonderformat:Standard
Gelesen 506 mal
Letzte Änderung am wałtora, 01 julij 2025 00:01
