I.
Kak wona skaka
ta kapka
Slěbrojty šlewjer z njebja
parle kładźe
na kłóski
na trawu
na hubje twojej
kontury w rjosy rozběža
dych mokry spěšnje storka
smój
z lubosće ćežka kapka.
II.
Wětr hroznje howri
dešć šlipa wo hałzy
rěka njemdra šumi
ćehnje do swobody
tebje
mje
ćmowe starosće
hwězdy nadźije
měsačk wobhladniwosće
a lětni dych
zajědźe pod twój šat
ty a ja
nětko
ANNAMARIA ZAHONOWA
