Suchergebnis für: 74de1825 d899 4d72 9b54 d3848e366d49

Maja Nagelowa »kaskady • kaskaden«

Maja Nagelowa kaskady • kaskaden, Budy šin: LND 2019, 180 str., 978-3-7420-2564-7, 100 € z připo łoženej grafiku; 978-3-7420-2563-0, 29,90 €

<b>Maja Nagelowa</b> <i>kaskady • kaskaden</i>, Budyšin: LND 2019, 180 str., 978-3-7420-2564-7, 100 € z připołoženej grafiku; 978-3-7420-2563-0, 29,90 €
Maja Nagelowa kaskady • kaskaden, Budyšin: LND 2019, 180 str., 978-3-7420-2564-7, 100 € z připołoženej grafiku; 978-3-7420-2563-0, 29,90 €
Wobrazowy zwjazk Maje Nageloweje z titulom »kaskady • kaskaden« zjima a wobswětla cyłkowne wuměłske tworjenje serbskeje wuměłče. Atraktiwna a wobšěrnje wuhotowana publikacija so loni, składnostnje jeje 60. narodnin, w Ludowym nakładnistwje Domowina wuda.

W přirodźe woznamjenjeja kaskady schodźenki we wodopadźe, přez kotrež woda bjez přestaća prudźi. Bjez přestaća prudźa tež wuměłske twórby Maje Nageloweje w běhu wjace hač štyrceći lět wuměłskeho skutkowanja. Tworićelske etapy – časowe kaskady – rjaduja wobšěrnu wobrazowu přehladku. Dohromady wobsahuje kniha šěsć kaskadow a w kóždej su mjez štyrceći do pjećdźesat twórbow wotćišćane, kotrež časowje na so slěduja. Započiwši z prěnjej kaskadu a twórbu »Zwei Vögel« z lěta 1983, slěduja wšě dalše, zakónčiwši ze šestej kaskadu a twórbu »hinfort, na kromje 12« z lěta 2018.