›Danka & Janka – Njeměr w nykusojc jazorje • Unruhe im Nykussee‹ – to jo titel nowych dwójorěcnych knigłow za źiśi a za wšych, ako su se swět serbskich powěsćow we wutšobje wobchowali.
Danka a Janka stej wjasołej dwójnicy a zelenej kaž młodna tšawka w nalěśu – pótakem wjelgin rědnej nykusojc źowce. Gramnemu muskemu na marku pak se to zewšym njezda. ilustracija: Jacqueline Wölfel kšuty wuwězk, 48 b. ISBN: 978-3-7420-2868-6 Płaćizna: 14,00 € Tema knigłow jo aktualna: gramota pśeśiwo tym hynakšym. Tšojenje z gluskotateju fantaziju jo napisała Petra Richterojc. Z nim jo dobyła literarne wuběźowanje župy Dolna Łužyca 2024. Awtorka póchada ze serbskeje familije. Źiśetstwo jo pśežywiła nejžpjerwjej w Miłorazu a pózdźej w Trjebinku. Prědne tšojeńka jo pisała juž z 12 lětami. Pó studiumje socialnego źěła a socialneje pedagogiki w Chóśebuzu jo śěgnuła do Pśedpomorskeje, źož w tom pówołanju źěła.
